دليل طبي سهل لعلاج انتفاخ البطن عند الكلاب!
"كلبي تعبان اوي ومش قادر يتحرك وبطنه منفوخة، هو اكل كويس ثم نام، والصبح لقيته تعبان اوي كدة"
دى أحد المشاكل الشائعة عند الكلاب سواء الكبيرة أو الجراوي، بتحصل ازاى؟ أسباب الانتفاخ عند الكلاب ايه؟ والأعراض المختلفة وايه هي طرق العلاج؟
ده اللي هنتكلم فيه بالتفصيل في المقال ده …
ما هو الانتفاخ عند الكلاب؟
الانتفاخ عبارة عن زيادة ملحوظة في حجم بطن الكلب وممكن تمتد للصدر.
وكل ما تم تشخيصه وعلاجه أسرع، كل ما كان أحسن لصحه الكلب.
اعراض انتفاخ البطن عند الكلاب
ازاى تلاحظ ان كلبك بيعاني من انتفاخ بطن غير طبيعي؟
انت هتلاحظ ان بطنه كبرت فجأة، وهيبقي قلقان وبيتحرك كتير "Restless"، وهتلاقيه بيبص كل شوية على منطقة البطن …
ومش بس كده!
كمان هتلاقيه بيحاول يرجّع كل 30 دقيقة، و دي بتبقي محاولة منه أنه يخرج اللي مضايقه في بطنه بس محاولته بتفشل!
ودى كانت الاعراض اللي ممكن تظهر عليه وتلاحظها من غير ما تقرب منه.
تشخيص انتفاخ البطن عند الكلاب بنفسك
اما بقي لو قربت من الكلب تقدر تعمل حاجه اسمها "Abdominal Percussion" …
ازاى؟
تخبط على بطن الكلب والصوت اللي هتسمعه، هيخليك تقرب من سبب الانتفاخ، لأنه ليه أسباب كتير.
لو خبطت علي بطن كلبك وسمعت زي صوت الطبلة، يبقي الانتفاخ بسبب الهوا.
أما لو خبطت عليها وسمعت صوت مكتوم، يبقي أكل متجمع في بطنه.
طب ده ممكن يكون حصل ليه؟
قسمنا أسباب الانتفاخ لحاجتين: عوامل بيئية وعوامل تغذية …
أسباب انتفاخ البطن عند الكلاب: العوامل البيئية
العوامل البيئية زي ان الكلب اتحط تحت ضغط كبير لفترة طويلة سواء غير مكانه ومش مستريح في المكان الجديد، او اتعامل بطريقة فيها قسوة.
الكلب جري كتير و عمل مجهود فوق طاقته، فـ ده هيؤدي ان يحصل اضطرابات في عملية الهضم، بالتالي الاكل هيتجمع في البطن ويعمل انتفاخ.
أسباب انتفاخ البطن عند الكلاب: عوامل التغذية
عوامل التغذية تُعتبر من أكتر الأسباب اللي ممكن تؤدي للـ انتفاخ، والموضوع يتخلص في 3 نقاط أساسية!
1- زيادة كمية الاكل اللي الكلب بياكله يوميا
كل مرحلة عمرية وليها كمية محددة من الأكل، فلو زادت الكمية دي، هتظهر مشاكل كتير …
زي صعوبة في الهضم، وبالتالي يبدأ يتجمع البراز، فتكبر حجم البطن.
2- لو كلبك بياكل اكل فيه كمية بروتين كتير
رغم أن البروتين مهم وضرورى لكبك بس لو أكل أكتر من اللي بيحتاجه (خصوصاً لو كان ذكر)، هيتكوّن عنده حصاوي ويتجمع عنده البول، فحجم المثانة يكبر ويضغط على البطن.
فهنا مهم جداً نهتم بجودة الـ Dry Food اللي بنديه للكلب ويكون فيه العناصر الغذائية مظبوطة عشان تتجنب المُشكلة دي.
3- نقص في انزيم الـ Trypsin اللي بيساعد علي الهضم
والانزيم ده موجود في اللحمة.
إذا تقدر تديله لحمة مرتين في الأسبوع.
ودي كانت الأسباب الرئيسية للانتفاخ عند الكلاب!
لكن في اسباب تانية فرعية زي :
ان الكلب عنده تضخم في الكبد أو الطحال.
او لو حصل التفاف في أمعاء الكلب "Flatus" اللي بيساعد علي دخول الهوا الكتير للمعدة فيظهر الانتفاخ.
او لو حصل التفاف في معدته "Gastric Dilatation" نتيجة أنه أكل كتير وبعدها عمل مجهود زيادة وشرب مايه كتير.
بس خد بالك الحالات دي بتبقى خطر وتحتاج تدخل جراحي سريع.
عشان كده مهم جداً انك تلحق كلبك لو ظهرت عليه أي عرض من الاعراض اللي قولناها.
طب إزاى تتجنب مشكلة زى دى؟
علاج انتفاخ البطن عند الكلاب!
دايما اتعامل مع كلبك بمبدأ الوقاية خير من العلاج!
يعني وفرله أكل كويس، دربه كويس، وفرله بيئة صالحة خالية من الضغوط الغير مناسبة معاه، وهو هيعيش معاك عمر اطول وبصحة كويسة!
دول 7 نصائح لعلاج انتفاخ البطن عند الكلاب!
1- حاول تقلل الضغط على كلبك وتبعده عن المجهود الزيادة.
2- شربه ميه كتير، ما عدا قبل الأكل وبعده.
3- حطله كميات من الأكل مناسبة لعمره.
4- اشتري له بعض المُكملات الغذائية فيها بكتريا زي Purina Fortiflora و Vetri-Science Probiotic ،و دي من انواع البكتريا المُفيدة اللي بتساعد علي الهضم.
5- حاول تقلل الأكل اللي فيه كربوهيدرات وفول الصويا.
6- متسمحش لكلبك انه ياكل بسرعة، عشان نتيجه التصرف ده هيتجمع الأكل في بطنه ، وبالتالي هيبقي صعب هضمه.
7- امنع كلبك من أنه يشرب مايه بسرعة.
وده طبعاً لو المُشكلة متخصش الكبد والطحال زي ما قولنا!
دائما وابدا افتكر ان الوقاية خير من العلاج!
وان الأكل هو الدواء!
عشان كدة لازم تختار لكلبك أنسب حاجة ليه، وماتحاولش تاكله أي حاجة لان هتدخل في دوامات مرهقة نفسيا!
إحنا في هابيت هدفنا تقديم المساعدة ليك عشان كلبك يعيش معاك بصحة كويس عمر طويل!
وده من خلال كل ما تحتاجه من أكل، ومستلزمات مختلفة لكلبك!
اشتري لكلبك أفضل انواع الدراي فود
Quick ViewRoyal Canin Maxi Adult 15 KG
DOG Rated 5.00 out of 5 (5) 6,935.00 EGP Add to cart
Quick ViewBelcando Junior Maxi 12.5 Kg
DOG Rated 5.00 out of 5 (4) 3,250.00 EGP Add to cart
Quick View