الأسئلة الشائعة

مش لاقي سؤالك؟ ابعتلنا على واتساب 01022337450 من 10 الصبح لـ10 بالليل، كل يوم.

التوصيل

التوصيل بكام؟

داخل القاهرة والجيزة: مجاني للطلبات من 1,500 جنيه، و60 جنيه للطلبات الأقل من كده. باقي المحافظات: 100 جنيه لأي طلب.

الطلب بيوصل إمتى في القاهرة والجيزة؟

اطلب قبل 1 الظهر يوصلك نفس اليوم. الطلبات بعد 1 الظهر بتوصل تاني يوم، إلا لو تاني يوم جمعة (شوف «بتوصّلوا يوم الجمعة؟» تحت). التوصيل بيكون من 2 الظهر لـ10 بالليل حسب خط سير المندوب.

فيه توصيل سريع؟

أيوه. التوصيل الإكسبريس بيوصل خلال 3 ساعات للطلبات اللي بتتعمل قبل 6 مساءً داخل القاهرة والجيزة، بـ160 جنيه. متاح للطلبات المدفوعة مقدمًا بس.

بتوصّلوا يوم الجمعة؟

يوم الجمعة التوصيل في التجمع ومدينة نصر ومصر الجديدة بس.

أنا برا القاهرة والجيزة، الطلب بيوصل إمتى؟

خلال 2–3 أيام عمل عن طريق شريك شحن. الشحن 100 جنيه لأي طلب.

طلبت رمل كتير، فيه رسوم إضافية؟

لو الطلب فيه أكتر من 4 شكاير رمل ممكن يكون عليه رسوم شحن إضافية. لو مش متأكد، اسألنا على واتساب قبل ما تطلب.

التفاصيل الكاملة في سياسة الشحن والتوصيل.

الدفع

طرق الدفع إيه؟

كاش عند الاستلام (كاش أو كارت مع المندوب)، أو ادفع أونلاين بكارت البنك أو Apple Pay أو إنستاباي.

أقدر أدفع بالكارت للمندوب؟

أيوه. عند الاستلام تقدر تدفع للمندوب كاش أو بالكارت.

الاسترجاع والاستبدال

أقدر أرجّع المنتج؟

الإكسسوارات: خلال 15 يوم بحالتها الأصلية، ولو فيه عيب صناعة خلال 30 يوم. الدراي فود والويت فود: لو فيه مشكلة في العبوة أو عيب صناعة أو مشكلة في الصلاحية، خلال 3 أيام من الاستلام.

الاسترجاع بيكلف حاجة؟

استرجاع مجاني لو فيه أي مشكلة في المنتج. أي استرجاع تاني عليه 40 جنيه مصاريف شحن مرتجع.

إزاي أرجّع؟

ابعتلنا رقم الطلب وصور المنتج على واتساب 01022337450 أو على رسايل فيسبوك. بنرد خلال 48 ساعة، والمندوب يستلم المنتج منك.

الفلوس بترجع إزاي وإمتى؟

خلال 7 أيام عمل بعد تأكيد الاسترجاع، عن طريق فودافون كاش أو تحويل بنكي، وأحيانًا كاش مع المندوب.

أقدر أستبدل المنتج بدل ما أرجّعه؟

كلمنا على واتساب برقم الطلب والمنتج اللي عايزه، وفريق خدمة العملاء هيشوف معاك الحل المناسب. نفس مدد وشروط الاسترجاع بتنطبق.

التفاصيل الكاملة في سياسة الاسترجاع.

الصلاحية والمخزون

المنتج اللي ظاهر على الموقع موجود فعلًا؟

اللي ظاهر إنه متاح على الموقع هو اللي موجود عندنا للبيع. المقاسات اللي خلصت بتتخفي أو بتتعلّم إنها غير متاحة.

إزاي أعرف تاريخ صلاحية المنتج؟

بعض المنتجات بيظهر عليها شهر الصلاحية في صفحة المنتج، مثلًا «الصلاحية: يناير 2027». لو مش ظاهر، اسألنا على واتساب قبل ما تطلب.

استلمت منتج فيه مشكلة في الصلاحية، أعمل إيه؟

ابعتلنا رقم الطلب وصورة تاريخ الصلاحية على واتساب خلال 3 أيام من الاستلام. الاسترجاع في الحالة دي مجاني.

الطلبات

إزاي أتابع طلبي؟

ابعتلنا رقم الطلب على واتساب وهنقولك وصل فين. ولو عندك حساب، هتلاقي طلباتك في «حسابي».

أقدر أعدّل أو ألغي الطلب؟

كلمنا على واتساب برقم الطلب في أقرب وقت وهنساعدك.

هتتصلوا بيا لتأكيد الطلب؟

ممكن نكلمك أو نبعتلك واتساب لتأكيد الطلب أو العنوان قبل ما يخرج.

النقاط

فيه برنامج نقاط؟

أيوه. كل التفاصيل في صفحة برنامج النقاط.