fbpx

20% OFF + FREE SHIPPING on orders over 500LE - 10% on your each first 2 orders . code "2*10"

هيعمل ايه الأليف في بيت مفهوش حد ؟

( الجنة من غير ناس ماتنداس)

يلا يا إنچي جهزي شنطتك و الحقي شوفي حد من اصحابك عشان تديها القطة قبل ما نسافر!

الموقف ده بيتكرر مع الناس اللي عندهم قطط و مسافرين ، أو الناس اللي عندها شغل كتير، أو الناس اللي هتعزل ، أو أيا كان الظرف اللي يخليك تضطر تسيب الاليف لوحده.

 

طب هو موضوع ترك الأليف لوحده ده سهل ولا لازم ترتيب قبليه ؟ طب و إيه الاضرار اللي ممكن تحصل لك أو تحصل للـ الاليف أما تسيبه لوحده في البيت؟

 

تعالوا نشوف ..

الكلاب أو القطط بطبيعتهم كائنات حساسة و رقيقة جداً ، بترتبط بصاحبها حتى لو ظهر عكس كده ، و ده مبني على ثقتهم بوجودك جمبهم.

 

وبالتالي وقت ما تختفي أو تسيب الاليف فترات طويلة .. بيبدأ يظهر حاجه إسمها Separation Anxiety (يعني قلق الترك ) ، و بيظهر بعض الأعراض علي الأليف بتاعك هنتكلم عنها كمان شوية.


طب و الحالة دي بتيجي في كل الأعمار و لا عند عمر معين ؟


غالباً الحالة دي بتبدأ بعد إنتهاء مرحلة الطفولة و بداية مرحلة البلوغ From puppy or kitten to Adult لأن الأليف و هو صغيرعلاقتك بيه مبتكونش قوية، بس بعد ما بيقعد معاك فترة بيكون كبر واتعود عليك و شايف وجودك شئ اساسي في حياته.كمان و هو صغير بيبقي مرتبط بأمه أكتر في فترة الرضاعة، بس بعدها بيعتبرك أنت صديقة الصدوق * بصوت تيمون *


الأعراض المصاحبة لترك الأليف لوحده في البيت

 

مرة في مرة هيبدأ يظهر عليه أعراض زي :


هتلاقيه بيهاجم الأبواب و الشبابيك المقفولة و يحاول يكسرها، و بيحاول يحفر في الارض، و يهوهو أو ينونو كتير و كمان هتلاقيه بيتبرز و يتبول كتير.  

 

و كل ده يبدأ يظهر بعد ما تسيب الأليف بتاعك بـ 30 دقيقة لحد ما ترجعله مرة تانية.

 

تعمل اي لو اضطريت تسيب الاليف لوحده

 

– طب أنا مضطر أروح الشغل و اسيبه لوحده ، اعمل ايه بقي؟

 

اعمل الصح 😀 *بصوت الاستاذ غسان مطر*

  • ممكن مثلا تسيب الأليف بتاعك مع حد متعود يكون موجود معاه ، بس خد بالك لازم تكون واثق من الشخص ده ، و توعيه بسلوكيات الأليف عشان ميحصلش مشاكل.

  • طب في حالة إن مفيش حد تودي الأليف بتاعك عنده ، ممكن تعمله مكان مُخصص جوه البيت يقدر يروحله لوحده و يكون آمن ليه طبعا، يقعد فيه و أنت مش موجود. بس خد بالك يُفضل ان المكان ده مايكونش جنبه شبابيك أو أبواب لانها ممكن تخوفه وتفكره انك مش موجود.

  • في حاجة ظريفة جداً كمان و هي الـ Food Toys، و دي عبارة عن لعب تقدر تُحط فيها الـ Dry Food بتاع أليفك .. زي اللي في الصورة .. و اللعب دي  بتشتت انتباهه ، و بتشغله عن فكرة الوحدة ، وبتخليه يركز انه يوصل للأكل وبس ، فبالتالي هتقلل من توتره أثناء غيابك.

     


  • فيه طريقة كمان اسمها الـ Departure exercise و دي تمارين إنت بتعملها علشان تعوده علي إنك تسيبه لوحده زي :


1- تلبس هدوم الخروج من الوقت للتاني في البيت و تفضل قاعد بيها.
2- تقلل إضاءة البيت كأنك خارج.
3- تحط الأليف في المكان بتاعه وانت في البيت.

 

  • طب مفيش مفر وهتخرج هتخرج ، يبقى في الأول تقلل الوقت اللى هتسيب فيه الأليف بتاعك مثلا لو انت لازم تسيبه لمدة 8 ساعات يوميا يبقى في الأول سيبه لمدة ساعتين ،  و بعد كده زود بالتدريج.

  • ممكن كمان تخلي صوت راديو أو تليفزيون شغال في البيت ، ده هيساعدك انك تغيب عن البيت لساعات طويلة ، وفى نفس الوقت الأليف يحس ان في حد معاه.

 

 

طب لو اضطريت تسيبه لوحده بقي ، وبرضو عملت كل اللي فوق ده ، كده تضمن أن الأليف 100% ميحصلوش اي حاجة سلبية؟

 

لو العلاقة ما بينك وبين الأليف مش قوية ولا عميقة الطرق اللي فوق دي هتفي بالغرض ، إنما لو العلاقة ما بينكم قوية وعميقة جدا ممكن يحصل مشاكل رغم كل الطرق دى.

 

في الحالة دي بقا بنضطر نلجأ للعلاج الدوائي بسبب شدة توتر و قلق الأليف ،و ساعتها بيكون غير متزن في تصرفاته، وممكن يتعور بسبب سلوكه العنيف.

 



و بعد ما إنچي قرأت الكلام ده، لقت الحل ، و قررت انها متسبش القطة بتاعتها تاني لفترات طويلة الا لما تطمن عليها. و بدأت توديها عند صاحبتها و تقعد معاها لحد ما القطة تتعود علي صاحبتها. وفي الآخر إنچي هتسافر و هي مطمنة علي قطتها.

 

و أنت برضو لو لقيت أي تصرف غريب ظهر علي اليفك و مش عارف سببه ايه ، تقدر تكلمنا من خلال خدمة الـ Free Consultation علشان تطمن عليه .

 Get Free Consultation

Leave a Reply

Your email address will not be published. Required fields are marked *

Cart Item Removed. Undo
  • No products in the cart.
Hide
Get 20% OFF

20% OFF

+

FREE SHIPPING

on orders over 500LE

10% on your each first 2 orders

 use code

"2*10"