- You have no items in your shopping cart
- Continue Shopping
رويال كانين للقطط هو أكثر الأسماء شهرة في مجتمع الحيوانات الأليفة سواء قطط أو كلاب!
مفيش حد عنده قط أو قطة، صغيرة أو كبيرة الا وعارف رويال كانين!
ولكن فيه حاجات كتيرة جدا مايعرفهاش اصحاب القطط عن رويال كانين!
في الدليل الشامل ده هنقولك كل كبيرة وصغيرة لازم تبقي عارفها عن رويال كانين للقطط!
الدليل الشامل عن منتجات رويال كانين للقطط
ده محتوى الدليل بالتفصيل:
لماذا رويال كانين رقم #1 في أكل القطط
العلم وراء منتجات رويال كانين للقطط
مميزات وعيوب رويال كانين للقطط
أنواع وتقسيمات منتجات رويال كانين للقطط
نصائح لإختيار منتجات رويال كانين للقطط
بدائل رويال كانين للقطط
الاسئلة الشائعة عن منتجات رويال كانين للقطط
أسعار رويال كانين للقطط
اماكن بيع رويال كانين للقطط
ممكن تقرأ الدليل كله مرة واحدة، أو تقدر تروح تقرا الجزء اللي انت محتاجه بس!
لنبدأ …
لماذا رويال كانين للقطط رقم #1 في أكل القطط؟
شركة رويال كانين هي شركة فرنسية متخصصة في أكل الكلاب وأكل القطط، وتعتبر من أقدم الشركات في مجال تغذية الحيوانات الأليفة (بقالها في السوق تقريبا 56 سنة)!
بدأت الشركة على يد الطبيب البيطري الدكتور جان كاثاري اللي كان مؤمن جدا بفكرة ان أكل القطط يؤثر بشدة على صحتها!
طب غير التاريخ الطويل والتقييمات الايجابية من أصحاب القطط ومن الأطباء البيطريين في حق رويال كانين، ايه اللي يخليه الاكل رقم #1 بالنسبة للقطط؟
4 أسباب ليه رويال كانين هي الأفضل بالنسبة لاكل القطط:
1- التخصص والاهتمام بالتفاصيل
بدل ما شركة رويال كانين تصنع دراي فود مثلا ينفع لكل سلالات القطط، بيعملوا اكل دراي لكل سلالة!
ومش بس كدة …
رويال كانين بتقدم أكل مناسب للقطط الصغيرة، واكل مناسب للقطط البالغة، واكل مناسب للقطط النحيفة …
وطبعا اهم الحاجات المشهورين بيها هي المنتجات المناسبة لحالات صحية معينة زي مشاكل الكلي والمثانة!
2- البحث والتطوير العلمي
أحد أهم مميزات منتجات رويال كانين عن أي نوع اكل قطط تاني هو انه معمول بناء على أبحاث ودراسات علمية!
يعني على سبيل المثال عشان يقوموا بإنتاج أول دراي فود للكلاب مخصص للكلاب اللي عنده حساسية قعدوا يعملوا ابحاث 10 سنين!
ودى حاجة بتخلي كل أصحاب القطط فى مصر وفى العالم كله تثق ثقة مطلقة في منتجات رويال كانين!
3- التغذية المتوازنة!
أكل القطط اللي بتقدمه شركة رويال كانين بيكون متوازن ومتكامل وده عشان القطط تاخد كل احتياجاتها من غير ما تحتاج تاخد مكملات غذائية إضافية!
وهنا حابين نوضح معلومة مهمة جدا وغايبة عن اغلب اصحاب القطط في مصر: لازم مع بعض انواع الدراي فود أو الويت فود تقدم مكملات غذائية الا لو بتستخدم رويال كانين!
4- الجودة العالية والفوائد الصحية الثانوية
الجودة ثم الجودة عندما يتعلق الأمر باكل رويال كانين!
بداية من اختيار المكونات بعناية فائقة، مرورا بفحصها للتأكد من أنها صالحة للاستخدام وخالية من أي مواد ضارة لحد تصنيعها بناء على وصفة مصممة بعد دراسات وأبحاث علمية!
وطبعا وجدوا ان القطط اللي بتاكل رويال كانين جهازهم المناعي بقي افضل، عملية الهضم بقت احسن، وكمان بيحافظ على صحة الجلد والشعر!
دى كانت الـ 4 أسباب الرئيسية (بجانب التاريخ والتقييمات الإيجابية) ليه رويال كانين هو افضل خيار لأكل القطط!
العلم وراء منتجات رويال كانين للقطط
هو ازاى رويال كانين مثلا بتعمل الدراي فود اللي انت بتشتريه؟
ازاى فيه رويال كانين لصحة الأسنان، ونوع تاني لصحة الجهاز الهضمي، ورويال لصحة المثانة!
ازاى بيعملوا حاجة للقطط الصغيرة، وحاجة للقطط الكبيرة!
حسب الموقع الرسمي لرويال كانين دى الخطوات اللي هما بيعملوها عشان يطوروا منتج واحد …
العلماء في شركة رويال كانين بيدرسوا كل سلالة، وكل مرحلة سنية بشكل تفصيلي عشان يقدروا يحددوا الاحتياجات الفريدة جدا لكل سلالة ولكل مرحلة عمرية …
ثم بيقوموا بعمل التوليفة أو وصفة الاكل اللي هيعتمدوا عليها …
ثم بيجربوها ويعدلوا عليها لحد ما يقوموا بإنتاجها!
والخطوات دى ممكن تاخد سنين عشان تطلع منتج واحد بس، ولكن احنا بسطناها ليك!
طب وانت تهتم بمعلومات زى دى ليه؟
ببساطة عشان تبقى فاهم ايه اللي بيدخل جوه اليفك!
وتكون واثق ومتطمن انك بتوفر لاليفك افضل حاجة موجودة!
ودى فقرة من موقع رويال كانين الرسمي بيشرحوا فيها ازاى هما بيضمنوا الجودة …
قبل طرحها للبيع، تخضع جميع وجبات Royal Canin الغذائية لبرنامج مراقبة ضمان الجودة المكثف لضمان الحفاظ على القيمة والسلامة الغذائية.
لأن القطط والكلاب تستحق أفضل تغذية للبقاء بأفضل صحة، تلتزم Royal Canin بما يلي:
اختيار موردي المواد الخام وفق مواصفات صارمة للغاية
اختبار جودة المكونات قبل قبولها للاستخدام في الطعام الذي تنتجه رويال كانين!
لا تستخدم إلا لحوم الحيوانات التي تعتبر صالحة وصحية للاستهلاك الآدمي
مراقبة الجودة من لحظة دخول المواد الخام إلى المصنع بإحكام حتى مرحلة التعبئة والتغليف، وذلك بفضل الإجراءات والتحليلات المنهجية في جميع المراحل الرئيسية
مميزات وعيوب رويال كانين للقطط
احنا بالفعل اتكلمنا عن مميزات رويال كانين، في أول فقرة اللي كانت بعنوان “لماذا رويال كانين رقم #1 في أكل القطط؟”
دلوقتي هقولك اكتر عيب شائع عن منتجات رويال كانين …
“سعر رويال كانين للقطط في مصر غالي جدا!”
طبعا اكتر عيب منتشر عن رويال كانين هو انه سعره غالي جدا!
ودى نقطة حقيقية بس هل السعر الغالي ده مقارنة بايه؟
يعني هل فيه قيمة تبرر السعر ده ولا لا؟
وفى الحقيقة اه!
قيمة رويال كانين تستاهل سعرها!
قولا واحد لو ماعندكش مشكلة في سعر رويال كانين هاته فورا (بعد استشارة الطبيب البيطري لو هتجيبه لحالات صحية معينة)!
أنواع وتقسيمات منتجات رويال كانين للقطط
دلوقتي هنقولك وننظملك منتجات رويال كانين عشان لما تيجي تختار احد منتجات رويال كانين تختار بسهولة …
رويال كانين تنتج اكل مخصص للكلاب، واكل مخصص للقطط!
بالنسبة لاكل الكلاب تقدر تشوفه من المقال ده!
بالنسبة لأكل القطط، رويال كانين تنتج نوعين من الاكل:
1- دراي فود (طعام جاف)
2- ويت فود (طعام طري)
وتحت كل حاجة من دول بتقدم منتجات حسب المرحلة العمرية للقطط:
1- قطط صغيرة (أقل من سنة)
2- قطط بالغة شباب (من 1 لـ 7 سنين)
3- قطط بالغة كبيرة (من 7 لـ 12 سنة)
3- قطط كبيرة (أكبر من 12 سنة)
ثم يتم التخصيص حسب السلالة، مثلا تلاقي اكل القطط السيامى، اكل القطط الشيرازي وهكذا!
ثم بعد كدة تلاقي منتجات حسب الحالة الصحية:
منتجات رويال كانين للجهاز الهضمي
منتجات رويال كانين للجهاز البولي
منتجات رويال كانين لصحة الشعر والجلد
منتجات رويال كانين لخسارة الوزن
منتجات رويال كانين لحساسية المعدة
منتجات رويال كانين الخاصة بالحالات المعقمة
طب ازاى تختار انسب نوع رويال كانين لقطتك؟
نصائح لإختيار منتجات رويال كانين للقطط
4 اسئلة بسيطة هتقدر من خلالها تعرف انسب منتج من منتجات رويال كانين لقطتك …
1- هل بتدور على دراي فود ولا ويت فود (اكل طري)؟
2- ما هو المرحلة العمرية لقطتك؟
3- هل تعاني قطتك من أي مشاكل صحية؟
4- هل سلالة قطتك سيامي أو شيرازى أو سلالة أخري؟
بناء على الإجابات دى هتقدر تختار بسهولة!
طب حد ممكن يسال سؤال، ويقول انا مش لاقي نوع الاكل المناسب مع قطتى أو قطي، أو ببساطة انا شايف ان سعر رويال كانين غالي بالنسبة لي، فيه بدائل؟
قطعا فيه بدائل …
بدائل رويال كانين للقطط
لو انت بتدور على بدائل رويال كانين فعندك 3 اختيارات في الدراي فود و 3 انواع في الاكل الطري!
3 بدائل لدراي فود رويال كانين للقطط
3 بدائل لـ الاكل الطري رويال كانين للقطط
معظم اراء العملاء عن رويال كانين ايجابية جدا، وكمان اراء الاطباء البيطرين ممتازة ومعظمهم بيشرحوا منتجات رويال كانين حسب احتياجات القطط!
الاسئلة الشائعة عن منتجات رويال كانين للقطط
في هذا الدليل لحد دلوقتي احنا جاوبنا على اسئلة كتيرة زي:
ما هو رويال كانين؟
ليه سعر رويال كانين مرتفع؟
ما هي أنواع منتجات رويال كانين؟
ما هي مميزات وعيوب رويال كانين؟
كيف تختار المنتج المناسب لقطتك من منتجات رويال كانين؟
فى الجزء ده هنجاوب على مجموعة اسئلة اخرى ممكن تيجي في بالك فيما يخص رويال كانين قطط ….
ازاى اقدم رويال كانين لأول مرة لقطتي؟
ببساطة اخلط جزء من رويال كانين مع الدراي أو الويت فود اللى انت بتستخدمه، وكل يوم زود الكمية تدريجيا.
امزج 25٪ من الجديد مع 75٪ من القديم لمدة يومين أو ثلاثة أيام!
ثم امزج الجديد بالقديم بنسبة 50٪ إلى 50٪ لمدة يومين أو ثلاثة أيام!
ثم امزج 75٪ من الجديد مع 25٪ من القديم لمدة يومين أو ثلاثة أيام
وأخيرا اعتمد على الجديد بنسبة 100%!
ايه هي الكميات المناسبة من رويال كانين يوميا؟
على كل عبوة من عبوات رويال كانين هتلاقي إرشادات بتقولك (بناء على عمر و/أو حجم و/أو وزن الحيوان الأليف) كمية الاكل اللي اليفك محتاجاها!
ومن الافضل انك تقسم الأكل إلى وجبتين أو ثلاث وجبات على مدار اليوم.
أهم سؤال: صلاحية رويال كانين للقطط
مبدئيا كل عبوة من عبوات رويال كانين بيكون مكتوب عليها مدة الصلاحية ولكن لازم تاخد بالك من كام نقطة مهمة:
ماتحطش عبوات رويال كانين في الشمس، ومتفتحهاش وتسيبها مفتوحة!
بعد ما تاخد الكمية اللي انت عايزها اقفل الكيس كويس اوى، وبلاش تنقل محتويات الكيس في حاوية منفصلة!
بعد ما تفتح الكيس، حاول تخلي يخلص خلال شهر أو شهرين على الأكثر!
لو قطتك ما اكلتش كل الكمية اللي انت حطيتها وعدى عليها ساعتين في الهوا ارميها ماترجعهاش تاني للكيس!
أسعار رويال كانين للقطط في مصر 2024
رويال كانين بتقدم تشكيلة واسعة جدا من المنتجات، لذلك هتلاقي رينج الاسعار واسع شوية ….
تتراوح أسعار كيلو الدراي فود رويال كانين في مصر من 350 جنيه الي 1350 جنيه.
طبعا فيه عبوات بتكون 400 جرام، عبوات تانية 2 كيلو، وعبوات 4 ولحد 7 كيلو!
تتراوح أسعار كيس الويت فود رويال كانين بالنسبة للقطط في مصر (اللي هو بيكون 85 جرام) من 135 جنية الي 200 جنيه.
طب ازاى تشتري رويال كانين لقطتك في مصر؟
اماكن بيع رويال كانين للقطط في مصر
ببساطة تقدر تطلب منتجات رويال كانين الاصلية من موقعنا – موقع Happet.net
منتجات أصلية 100%
التوصيل مجاني على اي اوردر فوق 500 ج
التوصيل تاني يوم مباشرة أو نفس اليوم لو طلبت قبل 12 ظهرا
Quick View
Quick View
Quick View
Quick View
Quick View
