دراي فود

أكتر كلمة بيقولها أصحاب الحيوانات الأليفة هي كلمة دراي فود وهنا الناس تنقسم لنوعين:

 

1- ناس تقولك الدراي فود كويس ومفيد!

2- ناس تقولك دراي فود ايه بس ده مضر وفلوس على الأرض!

 

في المقال ده هتعرف يعني اي دراي فود؟ و أي البدائل بتاعته؟ وليه الدراي فود افضلهم؟ وهتعرف بشكل علمي في آخر المقال ازاي تختار افضل دراى فود لكلبك أو قطتك؟ وكمان هنرشح ليك بعض الانواع اللي ممكن تشتريها.

 

محتوى المقال:

 

  • ما هو الدراي فود – Dry Food؟

  • هل الدراي فود مضر ام مفيد للكلاب والقطط؟

  • الدراي فود أفضل أم الفريش فود؟

  • طريقة تقديم دراي فود للكلاب والقطط

  • افضل دراى فود للكلاب

  • افضل دراي فود للقطط

 

ما هو الدراي فود – Dry Food؟

 

الدراي فود او الطعام الجاف هو أكل مخصص للكلاب والقطط معمول بمقادير ونسب محددة تغطي احتياج الاليف من البروتين والطاقة والفيتامينات والمعادن!

 

وبتختلف باختلاف نوع الاليف وعمره والمرحلة اللي بيمر بيها سواء حمل او رضاعة او تدريب او حراسة.

 

هل الدراي فود مضر ام مفيد للكلاب والقطط؟

 

الدراي فود زي اي اكل في الدنيا فيه منه الحلو وفيه منه الوحش!

 

خلونا الاول نشوف ايه فوايده واضراره وبعد كده نعرف ازاي نفرق بين المفيد والضار.

 

فوائد الدراي فود للقطط والكلاب

 

  1. وجبة غذائية متكاملة محسوب فيها نسب لكل العناصر الغذائية اللي كلبك او قطتك محتاجها.

  2. يساعد في إزالة طبقة الجير المتراكمة على الأسنان.

  3. يقوي العظام ويساعد في النمو.

  4. يساعد في نمو العضلات والأنسجة لاحتوائه على البروتين.

  5. يحافظ على شعر الحيوان لاحتوائه على الأحماض الدهنية.

  6. لا يفسد بسرعة ويمكن حفظه لفترة طويلة.

 

باختصار الدراي فود كنوع أكل ملوش اضرار او اثار جانبية في حد ذاته لكن الموضوع شبه الاكل بتاعنا بالظبط …

 

مثلا وانت تعبان بتاكل مسلوق لو كلت اكل مطبوخ ممكن يتعبك أكتر، وهكذا …

 

الفكرة إنك لو قدمك لاليفك اكل مش مناسب ليه او للمرحلة اللي هو فيها ساعتها ممكن تحصل أضرار!

 

 أضرار قد تنشأ من اختيار دراي فود خاطئ

 

  • الإصابة بالحساسية نتيجة وجود بعض المكونات

  • تكوين الحصوات نتيجة الأكل الملون والأملاح الزائدة

  • السمنة نتيجة استخدام كمية دراي فود أكبر من احتياج الأليف

  • الترجيع والاسهال نتيجة استخدام أنواع رديئة او دراي فود فاسد

 

الدراي فود أفضل أم الفريش فود (أكل البيت)؟

 

الدراي  فود هو البديل والمنافس للفريش فود واللي بيتعمل في البيت زي الفراخ المسلوقة والخضار المسلوق او اي اكل يتم إعداده في البيت مخصوص للأليف!

 

الفريش فود بالطبع من أفضل أنواع الأكل اللي ممكن تديها لأليفك لكن لازم توفر له كل الفيتامينات والمعادن وكمية الطاقة اليومية اللي هو محتاجها …

 

ونظرا لان ده صعب تحقيقه، وبالتجربة اغلب الكلاب اللي شوفناها بتاكل فريش فود في مصر كان عندها مشاكل في الشعر ونقص في البنية الجسدية!

 

عشان كدة دايما بننصح باستخدام الدراي فود!

 

ولكن الانواع النضيفة فقط!

 

طب ازاى تعرف نوع الدراي فود الكويس من النوع السيء؟

 

هنجاوب على السؤال ده لكن الاول خلينا نفرق بين الدراي والويت!

 

الدراي فود أم الويت فود؟ – Dry Food vs Wet Food؟

 

الويت فود قريب جدا من الدراي فود بس كمية المياه فيه ممكن توصل لـ 80 %!

 

الويت فود فيه انواع جودتها كويسه وانواع رديئة!

 

وبيكون من الصعب الاعتماد علي الويت فود كمصدر للغذاء لانه غالي مقارنة بالدراي فود ويتم استخدامه كمصدر جانبي، وايضا يستخدم في الحالات المرضية لسهولة هضمه عن الدراي فود!

 

مكونات الدراي فود

 

المكونات الأساسية للدراي فود عادة بتكون مصدر البروتين في اللحوم البقرية او الفراخ او السمك او البيض والدهون وكمان ممكن الحبوب زي الذرة والقمح والنشا بالإضافة إلى مجموعة من الفيتامينات والمعادن!

 

البروتينات المستخدمة ممكن تكون قطع لحوم او بواقي لحوم او بواقي تصنيع اللحوم!

 

اما بالنسبه للحبوب بيتم استخدامها عشان تقلل تكلفة البروتين المستخدم.

 

ركز بقي عشان هاقولك ازاى لما تمسك شكارة الدراي فود تعرف هي كويسة ولا لا …

 

لو لقيت كلمة Meat على غلاف المنتج فمعناه استخدام لحوم حقيقة سواء من الجسم او القلب او الحجاب الحاجز او المرئ او عموما اي لحوم صالحة للاستخدام الآدمي!

 

أما لو تم ذكر “ Meat by-product ” فمقصود بيه اي حاجه غير اللحوم زي الرئة والكلية والمخ والدم والعظام!

 

وده بناءا علي تعليمات منظمة مراقبة الأعلاف الأمريكية AAFCO والتعليمات دي كمان بتقول ان مينفعش المكونات دي يكون فيها شعر او قرون او اسنان او حوافر!

 

 اما لو تم ذكر Meat Meal علي الدراي فود فده بيوصف ان المنتج مقدم من انسجة حيوانية يعني ممكن يكون اي جزء في الحيوان لكن هو ايه بالظبط منعرفش!

 

عشان كده أفضل دراي فود للكلاب أو القطط بيكون النوع اللى بشكل مبدئي كدة متحدد مصدر البروتين وكل ما الكلام يبقى غير محدد تقل الجوده ويقل ترشيحنا للدراي فود.

 

طب ازاى بيتم عمل الدراي فود؟

 

تصنيع ومعالجة الدراي فود

 

بشكل مبسط بيتم معالجة الدراي فود باستخدام الحرارة والضغط لتكوين الحبيبات اللي بيتم تعبئتها بعد كدة!

 

لكن طبعا بيفقد جزء كبير من الفيتامينات المهمة اثناء العمليه دي عشان كده بيتم اضافة فيتامينات ومعادن أثناء معالجة الدراي فود!

 

عشان يكون المنتج النهائي فيه كل الاحتياجات المناسبة والضرورية للاليف.

 

كدة انت عرفت ازاى بيتم تصنيع الدراي فود وازاى تعرف افضل دراى فود لكلبك أو قطتك …

 

دلوقتي انت جيت الدراي فود فعلا، ازاى بقى تخلي كلبك أو قطتك تحبه؟

 

طريقة تقديم الدراي فود للكلاب او للقطط

 

يتم وضعه في طبق كوجبة متكاملة ويمكن اضافة القليل من الماء الدافئ او الشوربة او يتم خلطه بالويت فود!

 

يجب الأخذ في الاعتبار بالكمية المناسبة لعمر ووزن الحيوان وبتكون مدونة على عبوة الدراي فود ويتم تقسيمها بالتساوي علي عدد الوجبات في اليوم الواحد!

 

عدد وجبات الدراي فود الكلاب والقطط في اليوم في أول 6 أشهر

 

يتم تقسيم كمية الدراي فود المقررة على 3 وجبات بالتساوي من 6 شهور لـ سنة!

 

ويتم التقسيم على وجبتين يوميا بعد سنة!

 

ملحوظة: يفضل ميبقاش فيه لعب بعد الاكل عشان ميحصلش اي مشكلة في المعدة!

 

ازاي تعود الكلاب أو القطط على الدراي فود؟

 

كتير جدا بيجيلنا سؤال كيف اعود قطتي على الدراي فود؟

 

لو الكلب أو القطة متعود ياكل فريش فود بيكون من الصعب الانتقال للدراي فود مرة واحدة لذلك يتم بالتدريج علي اربع ايام!

 

  1. اليوم الأول تستخدم ¾ الوجبة فريش و ¼ دراي فود

  2. اليوم الثاني ½ فريش و ½ دراي فود

  3. اليوم الثالث ¼ فريش و ¾ دراي فود

  4. اليوم الرابع تكون الوجبة بالكامل دراي فود

 

 ملحوظة: لازم تعرف ايه نوع الاكل اللي بيحبه أليفك لأن الدراي فود بيتم تصنيعه من مكونات زي السمك والفراخ واللحم فاختار النوع اللي المكون الاساسي فيه أليفك بيحبه.

 

بعض الشركات عملت منتجات مخصصة للكلاب والقطط الـ Picky اللى هي “الإنفة” …

 

وهما اللي مبيرضوش ياكلو اي حاجه وبالتجربة الانواع دي جابت نتيجة!

 

ازاي تختار أنسب وأفضل دراي فود لكلبك أو قطتك؟

 

1- تأكد من مصدر البروتين داخل الدراي فود

 

اول حاجة محتاج تبص عليها هي مصدر البروتين واهمهم اول 3 مصادر مكتوبين علي العبوة وطبعا يكونوا متسميين زي beef, poultry, chicken, or fish …

 

أما لو مكتوب meat by-products فده معناه ان البروتين جودته قليلة.

 

ولو مكتوب ان الـ meat by-products عبارة عن كبدة مثلا فده ممتاز بردو، أما مصدر البروتين لو مجهول او مش مكتوب خالص يبقي بلاش منه …

 

وبرضو لو أول 3 مكونات بروتين نباتي مش حيواني يبقي ده بروتين جودته قليله ومش مناسب!

 

وده لان الكلاب والقطط من أكلات اللحوم وجزء كبير من الكلاب والقطط بيجيلها حساسيه من البروتين النباتي.

 

وفيه منتجات معينة في السوق هتلاقي مكتوب عليها انها |Grain Free او Gluten Free ودي طبعا افضل لكنها اغلى في السعر وبفرق كبير.

 

تحذير: لو أكلت كلبك او قطتك اكل فيه حبوب لازم تتابع إذا كان ظهر له حساسية منه وظهور أعراض مرضية مرتبطة بالأكل زي مشاكل جلديه او اسهال وترجيع أو نقص في الوزن.

 

2- الدهون في الدراي فود

 

الدراي فود الأفضل في الجودة هو اللي بيتم ذكر مصدر الدهون فيه اما اللي مش مكتوب عليه المصدر فطبعا بيقل في التقييم!

 

3- انتبه للفئة العمرية المناسبة لكلبك أو قطتك

 

لازم تعرف كويس جدا اذا كان الدراي فود ده مناسب لعمر كلبك او قطتك او لا … لان مثلاً الجراوي والقطط الصغيرة لازم يكون البروتين والطاقة أعلى من البالغين لتكوين عضلاتهم وامدادهم بالطاقة المناسبة لجسمهم، وبالتالي ليهم اكل مخصص.

 

ومعلومات السن هتلاقيها مكتوبة على عبوات الدراي فود.

 

4- النشاط الجسدي والتناسلي

 

مش كل الكلاب البالغة زي بعضها في النشاط ولا حتى القطط شبه بعض!

 

مثلا الحوامل والمرضعات بتبقي محتاجه طاقة عالية وبروتين أكتر زي الصغيرين!

 

وكذلك الكلاب وقت التدريب أو وقت أي عمل فيه مجهود مينفعش تاكل نفس اكل كلب قاعد في البيت.

 

بناءا علي ده انت محتاج تعرف ايه المرحله اللي كلبك او قطتك بيمر بيها او طبيعة نشاطه عشان تسأل وانت بتشتري اي انسب دراي فود وتختار الاكل اللي هيفيد اليفك في المرحلة اللي بيمر بيها!

 

5- الفصيلة

 

بالنسبة للكلاب فيه بعض الكلاب بيكون شعرها طويل ومحتاجه اوميجا 3 واوميجا 6 وبيوتين كفيتامينات أساسية للشعر.

 

وفصائل معينة زي الجيرمن شيبرد بتبقي معرضة لخلع المفصل بشكل مرضي فيفضل يكون فيه الفيتامينات اللي بتقوي المفاصل زي الـ Glucose Amino Glycan

 

بالتالي مثلاً افضل دراى فود للكلاب الجيرمن يختلف عن افضل داري فود لباقي للكلاب.

 

وافضل دراي فود للجراوي غير أفضل دراي فود للكبار!

 

والكلاب اللي من الفصائل كبيرة الحجم بيبقي احتياجها للطاقة والبروتين مختلف تماماً فمثلا لو أكلت اكل فيه بروتين وطاقة عالية في مرحلة مبكرة ممكن جسمها يبقى أتقل ويعمل مشاكل في العظام والمفاصل …

 

عشان كدة ضروري جدا تتأكد ان الدراي فود مناسب لفصيلة كلبك.

 

بالنسبة للقطط، عندك القطط اللي شعرها طويل معرضة أكبر لتكوين كرات شعر في المعدة لذلك يفضل وجود Silica Gel في الدراي فود عشان يعمل على تفكيك الكرات دي من بعضها.

 

6- انتبه لبراند الدراي فود اللي بتشتريه

 

بعض الشركات مكتوب على العبوه كل المكونات السليمة لكن بتكون مجهولة ومش منتشرة وردود الأفعال عنها مش قوية!

 

علي عكس شركات تانية معروف عنها الاهتمام بالجودة وكمان الكلاب والقطط بتحب اكلهم، عشان كدة بننصح انك تختار براند معروف ومنتشر في السوق.

 

زي دراي فود رويال كانين ودراي فود جوزيرا وميرا وبيلكاندو وليورناردو وغيرهم …

 

اسعار الدراى فود فى مصر 2024 

 

الدراي فود اسعاره متفاوتة جدا حسب الجودة والنوع والوزن والمكونات والبراند …

 

تقدر تشوف كل الاسعار وتختار اللي يناسبك من متجر هابيت!

 

هتلاقي أجود انواع الاكل سواء دراي فود أو ويت فود أو منتجات علاجية للكلاب والقطط …

 

وهتلاقي اكل مستورد واكل مصري نضيف جودته محترمه جدا!

 

وهتلاقي اختيارات عظيمة في كل فئة سعرية!

 

 

تسوق الآن

 
  • Quick View

    Alpha Adult Dog 20 KG

    (8)
    1,600.00 EGP
  • Quick View

    ALPHA CATS DRY FOOD 4KG

    (2)
    520.00 EGP
  • Quick View
  • Sale!
    Quick View

    Royal Canin Persian Adult 2 KG

    (5)
    Original price was: 2,220.00 EGP.Current price is: 1,875.00 EGP.
  • Quick View

    Migma Cat Adult Dry Food 20 Kg

    (4)
    1,300.00 EGP
  • Mera Exclusive Classic Cat Poultry
    Quick View

    Mera Classic Cat Poultry 10kg

    (2)
    2,895.00 EGP
  • Sale!
    Quick View

    Royal Canin Urinary Care 2 kg

    (2)
    Original price was: 2,285.00 EGP.Current price is: 2,030.00 EGP.
  • Sale!
    Quick View

    Royal Canin Urinary SO 1.5 KG

    (2)
    Original price was: 1,925.00 EGP.Current price is: 1,625.00 EGP.
  • Sale!
    royal-hairball-info
    Quick View

    Royal Canin Hairball Care 2 KG

    (0)
    Original price was: 2,405.00 EGP.Current price is: 2,030.00 EGP.
  • Sale!
    Royal-Canin-Digestive-care
    Quick View

    Royal Canin Digestive Care Cat 2 Kg

    (2)
    Original price was: 2,500.00 EGP.Current price is: 2,200.00 EGP.
  • Sale!
    Quick View

    Royal Canin Kitten 2 KG

    (3)
    Original price was: 2,200.00 EGP.Current price is: 1,800.00 EGP.
  • Quick View

    Royal Canin Mother & Babycat 2 Kg

    (1)
    2,275.00 EGP
  • Sale!
    Quick View

    Royal Canin Renal Cat 2 KG

    (2)
    Original price was: 2,875.00 EGP.Current price is: 2,430.00 EGP.
  • Sale!
    royal-canin-persian-kitten-new
    Quick View

    Royal Canin Persian Kitten 2 KG

    (2)
    Original price was: 2,300.00 EGP.Current price is: 2,060.00 EGP.
  • Sale!
    royal-cain-mini-adult
    Quick View

    Royal Canin Mini Adult 2 Kg

    (1)
    Original price was: 1,355.00 EGP.Current price is: 1,145.00 EGP.
  • 2 Comments

    1. Hala June 23, 2020 Reply

      انا عندى قط عنده سنة ونص وقطة عندها شهرين ونوعهم هجين هيملايا على شيرازى وحقيقى نفسى اعرف جدا اية انسب نوع.

    2. إيمان علي October 14, 2021 Reply

      ما أفضل نوع دراي، لكلبة جرمن ٥ سنوات متعقمة

    Leave a Comment

    Your email address will not be published.
    This site is protected by reCAPTCHA and the Google Privacy Policy and Terms of Service apply.

    The reCAPTCHA verification period has expired. Please reload the page.

    X