اقتناء الحيوانات
الاليفه في مصر بدأ ينتشر بشكل كبير وطبعا معاه نقص كبير في المعلومات الاساسيه
اللي لازم تكون عند اي مربي , واحيانا بنعرض حيواناتنا لمواقف مرضيه صعبه وممكن
نأذيهم من غير ما نعرف , عشان كده هنتكلم في المقال البسيط ده عن مشكلة موجوده
دلوقتي وناس كتير للاسف كلابها بتتأذي منها ومممكن توصل لموت الكلب او اصابته
بمضاعفات خطيرة زي التشنجات والفشل الكلوي.

 عشان كده الصدمة الحرارية في الكلاب تعتبر حالة
طوارئ وبتحتاج تتعالج بشكل فوري , وده لأن الكلاب مبتعرقش إلا بجزء بسيط جدا بين
صوابعهم وكمان مبيقدروش يتحملو درجات الحراره العالية زي الانسان .
الكلاب بتعتمد علي عملية (اللهث) عشان تعمل تبادل للهوا السخن والبارد , عشان كده
لو الحرارة حوالين الكلب عالية, عملية (اللهث) بتكون غير كافيه انها تظبط درجة
حرارته.

 

امتي بتحصل الصدمة
الحرارية في الكلاب ؟

-انك تسيبه في
العربية في الجو الحر

-التدريب الشاق في
الجو الرطب والحار

-ان الكلب يكون من
سلالات
(brachycephalic)
زي
Bulldog, Pug, Pekingese

لو الكلب بيعاني
من امراض في القلب او الرئة وتكون بتأثر علي التنفس بتاعة

– ان الكلب يكون
متكمم وانت بتنشف شعره باي اجهزة تجفيف شعر

– ان الكلب يكون
درجة حرارته عالية او عنده تشنجات

-انه يقعد علي
اسفلت او خرسانة لفتره طويلة

-انه يقعد بعيد عن
الظل ومن غير مية في الجو الحر

-انه يكون جاله
صدمة حرارية قبل كده

 

ازاي اعرف ان
الكلب جالة صدمة حرارية ؟

الكلب بتظهر عليه اعراض واضحة زي صعوبة
التنفس وانه يلهث بشكل مبالغ فيه, وان لسانه وبقه يكون لونهم احمر فاتح ,والريالة
بتاعة الكلب بتكون تقيلة جدا ,وكمان ممكن الكلب يتقيأ .

 درجة
جرارة الكلب بترتفع ل
 40° إلي 43.3°C  , الكلب يبدأ يبان عليه
عدم الثبات وممكن يعمل اسهال مدمم
.

وفي المراحل المتقدمه
لونه بيبهت ويحصلله تشنجات ويكون الموت هو مصيره للأسف
.

 

ازاي بقي نلحق
الكلب ونعالجه لو جاتله صدمه حرارية ؟

مجموعة اجرائات للطوارئ
لازم تتعمل عشاان الكلب يبرد
   

لازم نحرك الكلب من مصدر الحرارة بشكل فوري
وننقله لمكان تهويته كويسه ويفضل لو مكيفة

أخذ درجة حرارته كل 10 دقايق عشان تطمن ان
حالته ماتدهورتش

لو درجة حرارته عالية
رش عليه ميه بارده  وابدأ امسح جسمه بيها
وممكن توقفه وهو مبلول قدام مروحة
. عملية التبريد دي بتتم
لحد ما درجة حرارته تقل عن
39ْ وبعد كده ننشف الكلب

لو الموضوع كان وصل
لدرجة الحراره العاليه دي او ظهر اي اعراض زي تشنج او انتفاخات في الرقبة ومعرفتش
تتصرف او تخلي الكلب يتحسن وديه لطبيب بيطري فوراً
.

 

وعشان الوقاية خير
من العلاج ,ازاي نحافظ علي الكلب من الصدمات الحرارية دي؟

الكلاب اللي عندها
مشكله او مرض تنفسي لام تفضل في البيت في مكان مكيف او قدام مروحه في اوقات الجو
الحر والرطوبة العالية

احذر انك تسيب الكلب في
العربية والشباك مقفول حتي لو راكن في مكان ظل

لو مسافر متاخدش الكلب
في صندوق تهويته صعيفه يفضل لو صندوق سلك عشان يعرف يتنفس

ممنوع التمارين في
الجو الحر

وفر مكان ضل وميه بارده
للكلب وبالاخص لو موجود في الجنينة بره البيت

– بلاش يمشي علي اسفلت في الجو الحر لان جلد رجله ممكن يتحرق

 

 

 

 

وبكده تكون قدرت تحافظ
علي صحة صديقك الأليف وتقدر تخليه مبسوط
زي ما وجوده في حياتك بيبسطك وده ببساطه اللي احنا في
Happet  بنحاول نوصلله ان علاقتك مع الاليف تكون ذات
معني تؤدي لسعادتكم وتحميكو من اي اضرار محتملة.
وعشان نقدر نوصل لمهمتنا دي هتلاقينا دايما موجودين عشان نساعدك بالتليفون 01022337450
او الزيارات المنزليه  او العيادة عشان
نقدر نوصللك الوعي المطلوب للحفاظ علي اليفك وكمان نعملله (
check
up
) بشكل دوري ونديله التحصينات اللازمه ليه , لو
عاوزنا نتواصل معاك عشان استشاره او حجز زياره منزليه او عشان تجيلنا العياده سجل
بياناتك رقم تليفونك في الرابط ده

https://happet.net/clinic/contact-happet/


,واحنا هنتواصل معاك عشان نساعدك ونحل اي مشكله
بتواجهك .

 

وأنت كمان تقدر تساعد اننا نوصل الوعي ده لكل
الناس وتشاركهم المعلومات والنصايح اللي بنقدمها عشان نخلي حياة الأليف أسعد.

Leave a Comment

Your email address will not be published.
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.

X