ازاى تخلي كلبك يكون اجتماعي؟ ويحبك؟ ويبطل يخاف من الناس؟
فريدة كان نفسها تجيب كلب عشان تحطه في الجنينة بتاعتها وتلعب معاه، وفعلاً جابت كلب عنده 9 شهور!
أول ما جابته كانت فرحانه بيه جداً، بس قابلت مُشكلة …
المشكلة انها كل ما تخرج عشان تلعب معاه تلاقيه بيستخبي منها ومش عايز يلعب معاها خالص!
ومع انها حاولت معاه كتير وجابت له لعب كتير، بس برضو مش عايز يلعب معاها!
تعالوا نفهم مع بعض ايه سبب المُشكلة دي …
خلينا متفقين ان الأليف زي الأطفال بالظبط، فـ بالتالي احنا محتاجين نعّرف الأليف في بداية حياته على كل حاجة حواليه …
في الأول ممكن تلاقيه خايف، مره تانية بيبعد عنك، هو لسه مُدرك العالم اللي حواليه!
لُب الموضوع في اهتمامك بكلبك كأنه ابنك اللي لسه مولود جديد …
بِقدر اهتمامك بيه، هتلاقيه بقي اجتماعي وقادر يتعامل مع البيئة اللي حواليه!
أما لو اهملته هتلاقيه مُنطوي وخايف من كل حاجة.
وعموما فكرة تربية الأليف بتعتمد على تأقلمه على المكان اللي هو فيه وتعرفه عليه، زي ما "طرزان" عاش في الغابة، وتأقلم على ان هي دي بيئته الطبيعية.
الحيوانات الأليفة بشكل عام والكلاب بشكل خاص بتمر بكذا مرحلة لحد ما تتأقلم وتبقي اجتماعية …
من عمر 3 أسابيع تبدأ مرحلة مهمة جداً في حياة الجراوي وهي الـ Sensitive Period!
ودي المرحلة اللي من خلالها بيتعرف الأليف على العالم اللي حواليه، وده بينعكس بشكل كبير علي باقي تصرفات الجرو.
طيب والمرحلة دى هتأثر على تصرفاته ازاي؟
إذا كان الأليف عنده تجربة سيئة في المرحلة دي، هتلاقيه يخاف منك أو من لعبه، وهـ يعتبر اي شئ جديد خطر بالنسباله.
زي كلب فريدة خاف منها ومن الألعاب بتاعته، واستخبى ومرضاش يلعب!
و عادةً بترجع مُشكلة الخوف في الكلاب، أنهم في الأصل بينتموا لفصيلة الذئاب …
وفي الحياة البرية بيكونوا في حالة يقظة دايما ومتوقعين وجود خطر عليهم، فـ عشان كده بيعتبروا اي حاجه غريبة خطر عليهم.
اما الأليف اللي بيعدي من المرحلة دي بشكل صحيح، بينعكس بعد كده علي تصرفاته بشكل كبير.
بتلاقيه بيسمع كلامك بسهوله وذكي جداً في تصرفاته وقادر يفهمك.
وده لأنه بيكون تأقلم على البيئة اللي حواليه وقادر يتعامل معاها بسهولة.
ملحوظة: الاهتمام بـ الأليف في المرحلة دي مهم جداً، لأن تعليمه و تأقلمه بيكون أسهل من تأقلمه في المراحل المتقدمة من عمره.
لأن في المراحل المتقدمة التعامل معاه هيكون بشكل علاجي أكتر ما هيكون تعليمي.
وعلى راي المثل "مش بعد ما شاب .. ودوه الكُتاب"!
5 نصايح عشان كلبك يكون اجتماعى
1- زود من الزيارات الاجتماعية، عشان يتعود على وجود ناس كتير في البيت، ويتعود علي التعامل معاهم.
2- بالنسبة لأكله تحاول تخلي كل أفراد الأسرة تديله الأكل بتاعه، عشان يكسر حاجز الخوف عنده ونمنع التصرف بسلوك عدواني لو حد اداله اكل.
3- اهتم بنظافته كل يوم حتي لو هو مش محتاج ده، لمجرد بس انك تقوي علاقتك بيه و تعوده انه يسمع كلامك ويكون تابع ليك.
4- خلي كلبك يتعامل مع كلاب تانية، بس حاول تلبسه كمامة علي بقه عشان ميهاجمش الكلاب التانية بسبب خوفه أو كوسيلة دفاع عن نفسه.
5- خرج كلبك بس باستخدام الـ Leash والـ Muzzle وخليه يشوف العالم من حواليه و حبه بـ حبه شيل الـ Muzzle ثم الـ Leash لحد ما ينتهي المطاف أنك بتشارك بيه في مسابقات الكلاب!
عشان كلبك يبقي اجتماعي ويحبك ويجب أصحابك ومايخافش من الناس لازم تهتم بيه من أول الأكل لحد الادوية والالعاب!
في هابيت وفرنا ليك مجموعة متميزة من ألعاب الكلاب اللي هتساعدك تخلي كلبك اجتماعي ومبسوط!
احصل على أفضل الالعاب لكلبك- Out Of Stock
Quick View
Rewards Game, food dispenser ball & toy
Accessories Rated 5.00 out of 5 (1) 185.00 EGP Read more-
Quick View
Dental Dog Bone Toy 4 Sizes
Accessories Rated 1.00 out of 5 (1) 170.00 EGP – 390.00 EGP Select options-
Quick View
Doggie Premium Nylon Padded Collar
DOG (0) 215.00 EGP – 330.00 EGP Select options-
Quick View
Doggie Premium Nylon Leash With padded Hand
DOG (0) 345.00 EGP – 400.00 EGP Select options-
Quick View
Outdoor Pets Dog Chain 180 cm
Accessories (0) 300.00 EGP Add to cart-
Quick View