خلي كلبك او قطتك يحبو الاكل او الدراي فود الجديد, باستخدام 8 طرق مجربة

ازاى تخلي كلبك أو قطتك تحب نوع الدراي فود الجديد اللي انت جبته؟

كلنا عاوزين نقدم أفضل اختيارات للأليف بتاعنا، لكن لما بيجي موضوع الدراي فود للكلاب او للقطط بنعاني اننا نختار براند او طعم مناسب …

وده بيخلينا مترددين واحنا بنشتري نوع جديد خوفا من القط أو الكلب يرفض ياكل منه!

ومع عدم توفر الأنواع المعروفة من الدراي فود في مصر بقينا مضطرين نغير في الأنواع كل فترة لحد ما الكلب أو القطة يتعود على النوع الجديد ويجبه …

في المقال ده هنتكلم عن 8 أساليب متجربه عشان تشجع كلبك او قطتك يجربو نوع أكل او دراي فود جديد …

1- الانتقال التدريجي لنوع الدراي فود الجديد

اهم اسلوب ممكن تعمله مع الكلب او القطط عشان تدخل اكل جديد هو انك تعمل نقل تدريجي للأكل من النوع القديم للنوع الجديد!

د

ده بيخلي من الصعب ان الكلب أو القط يتعب من التغيير المفاجئ!

تقدر تعمل الانتقالي التدريجي ده علي مدار اسبوع لـ 10 أيام بحيث يتعود بشكل تدريجي علي طعم وملمس الأكل الجديد.

2- استخدم “التريتس” المكافآت

دي طريقة فعالة جدا انك تقدم قطع صغيرة من التريتس اللي كلبك او قطتك متعود عليها مع الأكل الجديد!

 الاسلوب ده هيخليه يربط الاكل الجديد مع حاجه ايجابيه هو بيحبها اللي هي التريتس وهيشجعه يجرب الدراي فود الجديد!

3- خلط الدراي فود مع السوفت فود

لو كلبك او قطتك متردد يجرب الدراي فود الجديد، جرب تخلطه مع السوف فود او الاكل المعلب الطري …

الريحه والطعم والرطوبه اللي موجوده في الأكل الطري هيساعد الكلب أو القط انه يحب الأكل الجديد.

4- استخدم اضافات لذيذة لتشجيع الاليف يجرب الدراي فود الجديد

جرب تضيف قطع فواكه او خضار أو زبادي خالي اللاكتوز.

الاضافات دى ممكن تشجع الكلب أو القط انه يجرب الأكل الجديد!

5- اضافة شوربة الفراخ مع الدراي فود الجديد

شوربة الفراخ بملح قليل هتضيف طعم مميز ولذيذ للأكل يخلي الكلب أو القط يقبل على طول الدراي فود.

6- قلل التريتس

قلنا انك ممكن تقطع التريتس علي الاكل عشان يحبه، لكن لو انت اصلا بتقدم تريتس كتير لازم تقللها!

لانه ممكن يعتمد عليها كمصدر للغذا وياخد الطاقة اللي هو محتاجها من التريتس وده هيخليه يرفض الاكل براحته!

7- التجويع المعتدل

لو الكلب أو القط رفض ياكل الدراي فود, قدم الأكل لمدة 30 دقيقة لو ماتاكلش شيله وقدمه في موعد الوجبه التانيه!

وده هيعرفه أنه لو ماكلتش الدراي فود هيتشال بعد مده معينه وده هيشجعه على الأكل.

8- وجبات بكميات صغيرة

هتزود عدد الوجبات وهتقلل الكمية.

دى كانت 8 نصائح مجربة تقدر تعتمد عليها عشان تخلي كلبك أو قطتك تحب الدراي فود الجديد اللي انت جبته!

مع النصائح دي انت محتاج تكون صبور وتتمسك بموقفك مع كلبك أو قطتك!

الموضوع ممكن يحتاج اكتر من محاوله عشان أليفك يتعود على الطعم الجديد.

احنا في هابيت بنقدملك افضل انواع الدراي فود اللي مضمونة كجوجة وكتاريخ صلاحية!

هتلاقى تشكيلة واسعة مناسبة لكل الميزانيات …