اكل القطط

انت اكيد عندك اسئلة كتير عن اكل القطط وبتدور على معلومات موثوق منها!

 

عشان كدة عملنا المقال ده، اللي هيجاوب فيه أحد الأطباء البيطريين في Happet عن أهم 5 أسئلة عن اكل القطط

 

ما هو افضل اكل للقطط؟ وهل الدراي فود مضر او مفيد؟ وغيرها من الأسئلة المهمة!

 

لنبدأ …


1- بالنسبة لـ اكل القطط الاكل البيتي أفضل و لا الدراي فود؟

 

دي من الأسئلة المُنتشرة جداً، لأن في ناس جربوا الدراي فود وسَبب مشاكل للأليف بتاعهم!

 

لكن الفكرة كلها تتلخص في نوع الدراي فود ده!

 

في أنواع سيئة مبننصحش بيها خالص لأنها فعلاً بتسبب مشاكل ليهم زي حصاوى على الكلى أو في المجري البولي إلخ إلخ!

 

 … ولكـن … 

 

هيفضل الدراي فود (اللي نوعه كويس) هو الأحسن ليهم من أكل البيت!

 

وده عشان جسمهم عبارة عن شعر مش جلد زينا، فبيحتاج عناصر غذائية زي Vit. E و Omega 3 و Omega 6 و Omega 9 و Selenium و Biotin …

 

وكل العناصر دي مش موجودة في أكل البيت!


ودى 3 ترشيحات لأنواع دراي فود للقطط ننصح بيها:

 

1- منتجات رويال كانين

2- منتجات ميرا كلاسيك

3- منتجات ليوناردو الألماني

 

  • Out Of Stockroyal-canin-persian-adult kg
    Quick View

    Royal Canin Persian Adult 2 KG

    CAT
    (5)
    2,220.00 EGP
  • Out Of Stock
    Quick View

    Leonardo Cat Cans Pure Poultry 400g

    CAT
    (4)
    185.00 EGP
  • Out Of Stockhappy cat urinary care
    Quick View

    Happy Cat Minkas Urinary 10 kg

    CAT
    (4)
    2,500.00 EGP
  • 2- القطة مش بتاكل الا نوع واحد بس من الاكل، اعمل ايه؟

     

    ودي تعتبر مُشكلة في حد ذاتها، لأن كده القطة مش بتاخد كل العناصر الغذائية اللي هي محتاجها، بس حل المُشكلة دي سهل وبسيط!

     

    الفكرة في تنظيم مواعيد الأكل …

     

    يعني تحطلها الأكل اللي عايزها تأكله في وقت معين لمدة 10 دقايق وبعدين تشيله سواء اكلت أو لأ!

     

    ثم حطه بعديها بفترة، ومرة في مرة هتبدأ تاكل.

     

    3 – هيحصل ايه لو القط أو القطة أكلت دراي فود كتير؟ هل الدراي فود مضر للقطط؟

     

    من طبيعة الدراي فود إن حجمه بيزيد وبينفش بالمايه، فلو حطيت اكل كتير، القطة هتاكل كتير والاكل هينفش في بطنها وهترجع، فحاول تخلي كمية الأكل مناسبة.

     

    إنما الدراي فود آمن جدا للقطط والكلاب!

     

    4- إيه الأكل اللي ممنوع أديه للقطط؟

     

    ❌ الشيكولاتة ❌

     

    الشيكولاتة غنية بمادة اسمها Theobromine وهي دي بقي المُشكلة … لانها بتفضل في دم القطة لمدة 24 ساعة والبنكرياس بتاعها مبيعرفش يهضمها!

     

    فخد بالك إن نسبة عالية منها ممكن يسبب تسمم للقطة.

     

    ❌ العضم ❌

     

    القطط بتحب العضم جدا، عشان فيه ريحة الفراخ، ولكن!

     

    معدة القطط زي الأطفال الصغيرة معدتهم رقيقة، فلما بياكلوا العضم المطبوخ بيقطع في جدار البطن عشان كدة ممنوع عليهم.

     

    ❌ الثوم والبصل والتوابل ❌

     

    وأنت بتاكل بتلاقي القطة عايزة تاكل معاك من نفس اكلك …

     

    لكن خلي بالك إحنا البني آدمين مُعظم أكلنا فيه توابل وتوم وبصل، و دول مُضرين جداً على القطط لأن زي ما قولنا إنهم كائنات رقيقة.

     

    بيعملهم ايه بقي الثوم والبصل والتوابل والبهارات؟

     

    ده كُل شغلتهم إنهم يدخلوا علي خلايا الدم الحمراء يكسروها، فـ هتلاحظ إن الأليف بقي ضعيف بسبب الأنيميا.

     

    اذن التوابل والبهارات والبصل والتوم والعضم والشيكولاته مضرة على القطط.

     

    5- قطتي بتاكل كتير وبتخس وكشفت عليها معندهاش حاجه!

     

    غالبا الحكاية دى بترجع لـ 3 أمور: 

     

    1- الأكل نفسه ممكن تكون نسبة الڨيتامينات اللي فيه قليلة!

     

     والفيتامينات هي اللي بتعلي نسبة تحويل الأكل في الجسم وبتخلي الجسم يستفاد من الأكل.

     

    وفي الحالة دي بنلجأ لـــ فاتح شهية يخلي جسم القطة يستفاد من كل عناصر الأكل زي : Sanal ,Canina V25, Canilatine , A plus B.

     

    2-الحالة النفسية كمان بتاعت القطة!

     

    القطط بتتاثر بالسلب لو سبتها و سافرت أو مبتقعدش معاها أو غيرت المكان اللي عايشة فيه.

     

    3- الديدان

     

     

    من أشهر الأسباب في نقص الوزن رغم الاكل الكتير هو الديدان ، ودي حلها بسيط قرص Drontal والموضوع انتهى.

     

    Leave a Comment

    Your email address will not be published.
    This site is protected by reCAPTCHA and the Google Privacy Policy and Terms of Service apply.

    The reCAPTCHA verification period has expired. Please reload the page.

    X