كمربيين للكلاب والقطط , كلنا عاوزين نقدم افضل اختيارات للأليف بتاعنا. لما بيجي موضوع الدراي فود للكلاب او القطط بنعاني اننا نختار براند او طعم مناسب للأليف اللي بنربيه , ده بيخلينا مترددين واحنا بنشتري نوع جديد , وبعضنا بالفعل اشتري نوع  أكل جديد للقططاو الكلب لكن رفض ياكل منه .
عدم توفر الانواع المعروفه من الدراي فود في مصر للاسف مصعب علينا كلنا اختيار داري فود مناسب , في المقال ده هنتكلم عن اساليب متجربه عشان تشجع كلبك او قطتك يجربو نوع أكل او دراي فود جديد سواء للكلاب او القطط , المعلومات دي هتخلي تجربة نوع دراي فود جديد اسهل عليك وعلي أليفك .

1- الانتقال التدريجي للنوع الجديد


اهم اسلوب ممكن تعمله مع الكلب او القطط عشان تدخلله اكل جديد هو انك تعمل نقل تدريجي للأكل من النوع القديم للنوع الجديد , ده كمان بيخلي من الصعب ان الكلب او القط يتعب من التغيير المفاجئ , تقدر تعمل الانتقالي التدريجي ده علي مدار اسبوع ل 10 أيام بيحيث يتعود بشكل تدريجي علي طعم وملمس الأكل الجديد.

2- استخدم ” التريتس ” المكافئات


ودي طريقه فعالة جدا انك تقدم قطع صغيره من التريتس اللي كلبك او قطتك متعود عليها مع الأكل الجديد , الاسلوب ده هيخليه يربط الاكل الجديد مع حاجه ايجابيه هو بيحبها اللي هي التريتس وهيشجعه يجرب الدراي فود الجديد .

3- خلط الدراي فود مع السوفت فود 

لو كلبك او اقطتك متردد يجرب الأكل الجديد , جرب تخلطه مع السوف فود او الاكل المعلب الطري, الريحه والطعم والرطوبه اللي موجوده في الأكل الطري هيساعدو الكلب او القط انه يحب الأكل الجديد.

4- استخدم اضافات لذيذة


الاضافات اللي ممكن تشجع الكلب او القط انه يجرب اكل جديد في وجود قطع فواكه او خضار او زبادي خالي اللاكتوز.

5- اضافة شوربة الفراخ 

 

شوربة الفراخ بملح قليل هتضيف طعم مميز ولذيذ للأكل يخلي الكلب او القط يقبل علي الدراي فود .

6- قلل التريتس

 

قولنا انك ممكت تقطع التريتس علي الاكل عشان يحبه , لكن فيه اوقات لو انت بتقدم تريتس كتير ممكن يعتمد عليها كمصدر للغذا وعنده مساحه ياخد الطاقه من التريتس وده هيخليه يرفض الاكل براحته .

7- التجويع المعتدل


لو الكلب او القط رفض ياكل الدراي فود , قدم الاكل لمدة 30 دقيقة لو ماتاكلش شيله وقدمه في معاد الوجبه التانيه وده هيعرفه انه لو مأكلش الدراي فود هيتشال بعد مده معينه وده هيشجعه علي الأكل .

8- وجبات بكميات صغيره


قلل حجم الوجبه اللي بتحطها لأليفك عشان يلحق يجوع الوجبه اللي بعدها , يعني هتزود عدد الوجبات وهتقلل الكمية.

الخلاصه


الانتقال لنوع أكل جديد ممكن يكون صعب وياخد معاك وقت لكن بتجربة الاساليب اللي شرحناها دي ,هتساعدك وتساعك أليفك انه يتقبل الأكل الجديد بدون ضغط او مشاكل , لكن افتكر انك محتاج تكون صبور وتتمسك بموقفك مع كلبك او قطتك , الموضوع ممكن يحتاج اكتر من محاوله عشان أليفك يتعود علي الطعم الجديد.
في هابت هدافنا نساعدك تكون علاقه صحية وسعيدة مع كلبك أو قطتك.
متترددش تتواصل معانا خلال طرق التواصل الموضحه علي الموقع

Leave a Comment

Your email address will not be published.
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.

X