دراي فود – Dry food دليلك الكامل عن الدراي فود  | Happet

كلمة دراي فود بتسمعها كتير أول لما تبدأ تتعامل مع الحيوانات الاليفة،  وبتلاقي ناس بتقول انه كويس ومفيد وناس بتقول انه مضر.

في المقال ده هتعرف يعني اي دراي فود ؟ و أي البدايل بتاعته ؟ وليه الدراي فود افضلهم ؟ وهتعرف بشكل علمي في اخر المقال ازاي تختار افضل دراي فود لكلبك او قطتك ؟ وكمان هنرشح ليك بعض الانواع اللي ممكن تشتريها. 

المحتوي :-(يمكن النقر علي المحتوي المطلوب للوصول ليه بسرعه )

ما هو الدراي فود – Dry food ؟

هل الدراي فود مضر ام مفيد للكلاب والقطط؟ 

الدراي فود أفضل أم الفريش فود ؟ 

طريقة تقديم دراي فود للكلاب او القطط

افضل دراي فود للكلاب

افضل دراي فود للقطط

.

 

ما هو الدراي فود – Dry food ؟

  • الدراي فود او الطعام الجاف هو أكل مخصص للكلاب والقطط معمول بمقادير ونسب محددة تغطي احتياج الاليف من البروتين والطاقة والفيتامينات والمعادن واللي بتختلف باختلاف نوع الاليف وسنه والمرحله اللي بيمر بيها سواء حمل او رضاعة او تدريب او حراسة.

هل الدراي فود مضر ام مفيد للكلاب والقطط؟ 

الدراي فود زي اي اكل في الدنيا فيه منه الحلو والوحش خلونا الاول نشوف ايه فوايده واضراره وبعد كده نعرف ازاي نفرق بين المفيد والضار.

فوائد الدراي فود

  •  وجبة غذائية متكاملة محسوب فيها نسب لكل العناصر الغذائية اللي كلبك او قطتك محتاجها.
    • يساعد في إزالة طبقة الجير المتراكمة على الأسنان.
    • يقوي العظام ويساعد في النمو.
    • يساعد في نمو العضلات و الأنسجة لإحتوائه على البروتين.
    • يحافظ على شعر الحيوان لإحتوائه على الأحماض الدهنية.
  • لا يفسد بسرعة ويمكن حفظه لفتره طويلة.

الدراي فود كنوع أكل ملوش أضرار او اثار جانبية في حد ذاته لكن الموضوع شبه الاكل بتاعنا بالظبط مثلا وانت تعبان بتاكل مسلوق لو كلت أكل مطبوخ ممكن يتعبك أكتر، وهكذا الموضوع بالظبط هنا لو أكلت أليفك أكل مش مناسب ليه او للمرحلة اللي هو فيها ساعتها ممكن تحصل أضرار  

  أضرار قد تنشأ من اختيار دراي فود خاطئ

    • الإصابة بالحساسية نتيجة وجود بعض المكونات 
    • الترجيع والاسهال نتيجة استخدام أنواع رديئة او دراي فود فاسد
    • السمنه نتيجة استخدام كمية دراي فود أكبر من احتياج الأليف 
  •  تكوين الحصوات نتيجة الأكل الملون والأملاح الزائدة

الدراي فود أفضل أم الفريش فود ؟ 

الدراي  فود هو البديل والمنافس للفريش فود واللي بيتعمل في البيت زي الفراخ المسلوقة والخضار المسلوق او اي اكل يتم إعداده في البيت مخصوص للأليف
الفريش فود بالطبع من أفضل المكونات الغذائية اللي ممكن تديها لأليفك لكن لازم توفرله كل الفيتامينات والمعادن وكمية الطاقة اليومية اللي هو محتاجها ونظرا لان ده صعب تحقيقه وبالتجربة اغلب الكلاب اللي شوفناها بتاكل فريش فود في مصر كان عندها مشاكل في الشعر ونقص في البنية الجسدية ووجهنا كل نصايحنا لاستخدام الدراي فود. 

الدراي فود أم الويت فود؟ – Dry Food vs Wet Food ؟ 

    • الويت فود قريب جدا من الدراي فود بس كمية المياه فيه ممكن توصل ل 80 % 
    • الويت فود فيه انواع جودتها كويسه وانواع رديئة
  • يكون من الصعب الاعتماد علي الويت فود كمصدر للغذاء لانه غالي جدا مقارنة بالدراي فود ويتم استخدامه كمصدر جانبي وايضا يستخدم في الحالات المرضية لسهولة هضمه عن الدراي فود.

مكونات الدراي فود

المكونات الأساسية للدراي فود عادة بتكون مصدر البروتين زي اللحوم البقرية او الفراخ او السمك او البيض والدهون  وكمان ممكن الحبوب زي الذرة والقمح والنشا ومجموعه من الفيتامينات والمعادن 

البروتينات المستخدمة ممكن تكون قطع لحوم او بواقي لحوم او بواقي تصنيع اللحوم اما بالنسبه للحبوب بيتم استخدامها عشان تقلل تكلفة البروتين المستخدم .

لو لقيت كلمة Meat علي خلاف المنتج فمعناه استخدام لحوم حقيقة سواء من الجسم او القلب او الحجاب الحاجز او المرئ او عموما اي لحوم صالحة للاستخدام الادمي 

أما لو تم ذكر “ Meat by-product ” فمقصود بيه اي حاجه غير اللحوم زي الرئة والكلية والمخ والدم والعظام وده بناءا علي تعليمات منظمة مراقبة الاعلاف الامريكية AAFCO والتعليمات دي كمان بتقول ان مينفعش المكونات دي يكون فيها شعر او قرون او اسنان او حوافر 

اما لو تم ذكر Meat Meal علي الدراي فود فده بيوصف ان المنتج مقدم من انسجة حيوانية يعني ممكن يكون اي جزء في الحيوان لكن هو اي منعرفش.

عشان كده بيبقي تفضيلنا لنوع معين في الدراي فود علي نوع تاني ان يكون متحدد نوع مصدر البروتين وكل ما الكلام يبقي غير محدد تقل الجوده ويقل ترشيحنا للدراي فود.  

تصنيع ومعالجة الدراي فود 

بيتم معالجة الدراي فود باستخدام الحرارة والضغط لتكوين الحبيبات اللي بيتم تعبئتها بعد كده لكن طبعا بيفقد جزء كبير من الفيتامينات المهمه اثناء العمليه دي عشان كده بيتم اضافة فيتامينات ومعادن أثناء معالجة الدراي فود ، عشان يكون المنتج النهائي فيه كل الاحتياجات المناسبة والضرورية للاليف.

طريقة تقديم الدراي فود للكلاب او للقطط

يتم وضعه في طبق كوجبة متكاملة ويمكن اضافة القليل من الماء الدافئ او الشوربة او يتم خلطه ب الويت فود

يجب الاخذ في الاعتبار بالكمية المناسبة لعمر ووزن الحيوان وتكون مدونة علي عبوة الدراي فود ويتم تقسيمها بالتساوي علي عدد الوجبات في اليوم الواحد

عدد وجبات الدراي فود الكلاب والقطط في اليوم

    • في اول ستة أشهر يتم تقسيم كمية الدراي فود المقررة علي 3 وجبات بالتساوي
    • من 6 شهور ل سنه يتم التقسيم علي وجبتين يوميا 
  • بعد سنه تكون كمية الأكل في وجبة واحدة يوميا 

ملحوظة: يفضل ميبقاش فيه لعب بعد الاكل عشان ميحصلش اي مشكله في المعدة

ازاي تعود الكلاب او القطط علي الدراي فود كغذاء ؟

كتير جدا بيجيلنا سؤال كيف اعود قطتي علي الدراي فود ؟

لو الكلب او القطه متعود ياكل فريش فود بيكون من الصعب الانتقال للدراي فود مره واحده لذلك يتم بالتدريج علي اربع ايام .

في اليوم الاول تستخدم ¾ الوجبه فريش و ¼ دراي فود

اليوم الثاني ½ فريش و ½ دراي فود

اما اليوم الثالث ¼ فريش و ¾ دراي فود

و اليوم الرابع تكون الوجبة بالكامل دراي فود 

ملحوظه هامه

لازم تعرف ايه نوع الاكل اللي بيحبه أليفك لأن الدراي فود بيتم تصنيعه من مكونات زي السمك والفراخ واللحم فاختار النوع اللي المكون الاساسي فيه أليفك بيحبه.

بعض الشركات عملت منتجات مخصوصه للكلاب والقطط “الإنفة” 😀  وهما اللي مبيرضوش ياكلو اي حاجه وبالتجربة الانواع دي جابت نتيجة 

 

ازاي تختار أنسب دراي فود لكلبك أو قطتك ؟

1- تأكد من مصدر البروتين داخل الدراي فود

 اول حاجة محتاج تبص عليها هي مصدر البروتين  واهمهم اول 3 مصادر مكتوبين علي العبوة وطبعا يكونو متسميين زي beef, poultry, chicken, or fish اما لو مكتوب meat by-products فده معناه ان البروتين جودته قليلة.
ولو مكتوب ان الـ  meat by-products عبارة عن كبدة مثلا فده ممتاز بردو، أما مصدر البروتين لو مجهول او مش مكتوب خالص يبقي بلاش منه…
وبردو لو أول 3 مكونات بروتين نباتي مش حيواني يبقي ده بروتين جودتة قليله ومش مناسب لان الكلاب والقطط من أكلات الحوم وجزء كبير من الكلاب والقطط بيجيلها حساسيه من البروتين النباتي.  

وفيه منتجات معينه في السوق هتلاقي مكتوب عليها انها |Grain Free او Glutin Free ودي طبعا افضل لكنها اغلي في السعر وبفرق كبير.

لو أكلت كلبك او قطتك اكل فيه حبوب لازم تتابع إذا كان ظهرله حساسية منه زي بظهور اعراض مرضيه مرتبطة بالاكل زي مشاكل جلديه او اسهال وترجيع اونقص في الوزن.  

2- الدهون 

الدراي فود الأفضل في الجوده هو اللي بيتم ذكر مصدر الدهون فيه اما اللي مش مكتوب عليه المصدر فطبعا بيقل في التقييم

3- انتبه للفئة العمرية

لازم تعرف كويس جدا اذا كان الدراي فود ده مناسب لعمر كلبك او قطتك او لا،  لان مثلاً الجراوي والقطط الصغيرة لازم يكون البروتين والطاقة أعلى من البالغين لتكوين عضلاتهم و امدادهم بالطاقة المناسبة جسمهم بالتالي ليهم أكل مخصص.  ومعلومات السن هتلاقيها مكتوبة علي عبوات الدراي فود

 4- النشاط الجسدي والتناسلي

مش كل الكلاب البالغة زي بعضها في النشاط او حتي القطط مثلا الحوامل والمرضعات بتبقي محتاجه طاقه عالية وبروتين أكتر زي الصغيرين، بالظبط نفس الكلام علي الكلاب وقت التدريب او اي عمل فيه مجهود مينفعش خالص ياكل نفس اكل كلب قاعد في البيت. 

بناءا علي ده انت محتاج تعرف اي المرحله اللي كلبك او قطتك بيمر بيها او طبيعة نشاطه عشان تسأل وانت بتشري اي انسب دراي فود وتختار الاكل اللي هيفيد اليفك في المرحلة اللي بيمر بيها 

5- الفصيلة

بالنسبة للكلاب
فيه بعض الكلاب شعرها طويل فمحتاجة اوميجا 3  أو اوميجا 6 و بيوتين كفيتامينات أساسية للشعر .

وفصائل معينه زي الجيرمن شيبرد بتبقي معرضة لخلع المفصل بشكل مرضي فيفضل يكون فيه الفيتامينات اللي بتقوي المفاصل زي الـ glucose amino glycan  بالتالي مثلاً افضل دراي فود للكلاب الجيرمن يختلف عن افضل داري فود لباقي للكلاب. وافضل دراي فود للجراوي غير أفضل دراي فود للكبار وهكذا

والكلاب من الفصائل كبيرة الحجم بيبقي احتياجها للطاقه والبروتين مختلف تماماً فلو أكلت اكل فيه بروتين وطاقة عالية في مرحلة مبكرة ممكن جسمها يبقى أاتقل من وزنها ويعمل مشاكل في العظام والمفاصل، عشان كدة ضروري جدا تتأكد ان الدراي فود مناسب لفصيلة كلبك.  

بالنسبه للقطط 

القطط اللي شعرها طويل معرضة أكبر لتكوين كرات شعر في المعدة لذلك يفضل وجود silica gel في الدراي فود عشان يعمل علي تفكيك الكرات دي من بعضها. 

[custom_block name=”rc hairball”]

6- انتبه للبراند 

بعض الشركات مكتوب علي العبوه كل المكونات السليمه لكن بتكون مجهولة ومش منتشرة وردود الافعال عنها مش قوية . علي عكس شركات تانيه معروف عنها الاهتمام بالجوده وكمان الكلاب والقطط بتحب اكلهم، عشان كدة بننصح انك تختار براند معروف ومنتشر في السوق. زي دراي فود رويال كانون و دراي فود جوزيرا للقطط و دراي فود مونيلو و دراي فود ميرا دراي فود فوكر …  وفي كمان براندات مصرية باسعار رخيصة زي دراي فود الفا  و دراي فود بايونير

افضل دراي فود للكلاب البالغة اكبر من سنة

افضل اكل للكلاب الصغيره في السن ( الجراوي ) اقل من سنه

زي ما قولنالكم اختيار الدراي فود المناسب لكلبك بيعتمد علي عوامل كتير،  ومن ضمنها ان النوع يكون منتشر وجودته كويسة احنا كتبنا مقالة كاملة عن الموضوع تقدر تشوفه من هنا افضل دراي فود للكلاب في مصر

افضل دراي فود للقطط

طبعاً اختيار افضل دراي فود يناسب قطتك مرتبط بأكتر من عامل، من ضمن العوامل دي ان البراند يكون معروض وجودتة عالية عشان كدة احنا كتبنا مقال كامل لده  تقدر تشوفه من هنا افضل دراي فود للقطط في مصر

اسعار الدراى فود في مصر 2020

الدراي فود اسعاره متفواته جدا حسب الجودة والنوع والوزن والمكونات والبراند تقدر تشوف كل الاسعار وتختار اللي يناسبك من 

متجر القطط

متجر الكلاب 

او التسوق باسم البراند من هنا

اما لو كنت محتاج تاخد فكره عامه عن الاسعار 

أسعار دراي فود للكلاب البالغة 

فئة اقل من ال 500 جنيه للعبوة الكبيره من 15 ل 20 كيلو

وهنا اغلب الأنواع ذات التصنيع المحلي مثل دراي فود كانيدو ودراي فود سوبر كانيدو و دراي فود بايونير ودراي فود الفا

و فئة من 500 الي 1000 جنيه

والفئة دي اغلبها مستورد وفيه تدرج كبير في الجودة

زي بافارو دراي فود , جوزيرا , ميرا , تشامب, فوكر , بلكاندو , بيفي دوج 

اما فئة اكثر من 1000 جنيه 

الفئه دي دايما بيكون فيها انواع دراي فود جودة البروتين الحيواني فيها عاليه وكمان جودتها محترمة

زي ايرث بورن دراي فود و رويال كانين للكلاب

اسعار دراي فود للقطط 

استهلاك القطط اللي وزنها 2 كيلو 50 جرام في اليوم تقريبا فاغلب الناس بيشترو العبوة 2 كيلو وده بيحصل لو مربي قطه او اتنين اما لو اكتر فهيحتاج عبوات اكبر في الوزن 

يتراوح سعر الكيلو جرام من 40 جنيه في الكيلو الي 200 جنيه بناءا علي الجودة والنوع والوزن والمكونات والبراند

زي دراي فود جوزيرا و دراي فود ميرا و دراي فود بيفي كات و دراي فود مونيللو  و ليوناردو و دراي فود رويال كانين

مهم جدا تبقي عارف انسب اكل لأليفك بناءا علي كل المعايير اللي قولنها وممكن تبعتلنا واتس اب او تكلمنا علي 01022337450 او تكتب كومنت علي المقال وتقولنا نوع اليفك وعمره وطبيب متخصص من عندنا في Happet هيقولك افضل دراي فود ليك بناءً علي الميزانيه المقترحة منك وكمان نوصلهولك لحد البيت

وممكن تشتري النوع المفضل ليك اونلاين من 

متجر دراي فود الكلاب 

و متجر دراي فود القطط

ما هو الدراي فود؟ ما هي فوائده واضراره؟ ما هي مكوناته وكيف تختار دراي فود مناسب لأليفك؟ تعرف اسعار الدراي فود وافضل انواعه مثل دراي فود رويال و دراي فود جوزيرا ادخل الآن. 

4 Comments

  1. Hala June 23, 2020 Reply

    انا عندى قط عنده سنة ونص وقطة عندها شهرين ونوعهم هجين هيملايا على شيرازى وحقيقى نفسى اعرف جدا اية انسب نوع.

  2. إيمان علي October 14, 2021 Reply

    ما أفضل نوع دراي، لكلبة جرمن ٥ سنوات متعقمة

Leave a Comment

Your email address will not be published.
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.

X