fbpx

تطعيمات القطط و أسعارها : الوقاية خير من العلاج دليلك الشامل

  • الله يا سارة قطتك عسول أوي، و بتحب اللعب .. عندها كام سنه ؟
  • يدوب شهر و نص 😀
  • طب حصنتيها ؟
  • لأ .. شايفه ملهاش لازمة.
  • بتهزري .. ده مُهم جداً يا بنتي ! .. و خصوصاً في نوع قطتك عشان هيحميه من أمراض تموّت.

في ناس كتير زي سارة ، شايفين ان تطعيمات القطط حاجه ثانويّة ، لكنه أهم شئ في حياه اي أليف ، و بيحميه من أمراض ،و بيجنبك قلق أنت في غنى عنه !

 المحتوي :- (اضغط علي العنوان للانتقال اليه مباشرة)

1- التحصين بيشتغل ازاى جوه جسم القطط

2- الأمراض اللي محتاجه تطعيمات القطط

3- جدول تطعيمات القطط

4- اسعار تطعيمات القطط  في مصر 2019

 

 

 

التحصين بيشتغل ازاى جوه جسم القطط

 

طيب ايه فكرة التحصين؟

فاكر زمان و إنت صغير في المدرسة، كانت الدكتورة اللي في المدرسة تيجي و تدي الفصل كله  تطعيم ضد مرض الحصبة.

تعرف، اللي اخدته ده عبارة عن صورة مُصغرة من مرض الحصبة نفسه، علشان الجسم ياخد الصورة دي يخزنها عنده و يكوّن أجسام مضادة ليه !

فـ أول ما يجي المرض يهاجمك .. تلاقي التحصين أشتغل و يقول بس هو ده شبه اللي عندي .. و يبدأ يهاجمه و يطلع أجسام مضادة و يحميك من المرض.

و ده بالظبط نفس اللي بيحصل في جسم الأليف بتاعك، بتديلة صورة مُصغرة من فيروس البارفو مثلا ( اللي موجود في التحصين الثلاثي او الرباعي )، و الجسم يبدأ يصوره و يخزنه عنده في خلايا الدم البيضاء (Memory cell).

عشان وقت ما أليفك يكون موجود في مكان فيه عدوي، أو تتنقله من أليف تاني .. جهازه المناعي يبدأ يفتكر صورة التحصين اللي أخده، و يطلع الاجسام المضادة للمرض.

الأمراض اللي محتاجه تطعيمات القطط

الفيروسات كده كده موجودة حوالينا و ممكن تصيب الأليف في أي وقت، والفيروسات عامةً ملهاش علاج عشان كده لازم نحصن الأليف منها.

الوقاية خير من العلاج ، عشان كده لازم نسبق الفيروس بخطوة ونحصن الاليف ونرفع جهاز المناعة عشان يكون جاهز وقت لاما الفيروس يهجم.

في ايدك انت تحمي الاليف وفى ايدك تموته ، ده قرارك.  

الامراض دي بتختلف من الكلاب لـ القطط.

1- مرض الـ Panleukopenia و ده شبيه بالـ parvo عند الكلاب و ليه نفس الاعراض بيسبب له ترجيع، و اسهال مُدمم، و سخونة.

2- مرض بيصيب الجهاز التنفسي، اسمه الـ Calicivirus، و بينتج عنه قرح في فم أو لسان و أنف القطة.

 

مواعيد تطعيمات القطط

 

دلوقتي أكيد بتسأل علي مواعيد التحصين. مش صح ؟!

احنا بقي في Happet ده النظام اللي بنحصن بيه في أي Home visit و ممكن يتغير علي حسب مصلحة الأليف طبقا لترشيحات ال WSAVA ودي اكبر منظمة دولية للطب البيطري

تتلخص تحصيناتها في تحصينين بس و يتكرروا :

1- تطعيم الرباعي  للقطط و بيبدأ عند عُمر شهرين، و بيتكرر بعدها بـ 3 أسابيع.

2- تطعيم السعار للقطط عند عُمر 3-6 شهور، و بيُكرر كُل سنه.

 3- تطعيم الديدان والحشرات للقطط

جدول تطعيمات الكلاب

ملحوظة مهمه في تطعيمات القطط:

* أي تحصين مكان حقنه بيكون تحت الجلد، فـ خد بالك و الدكتور بيدي لأليفك التحصين عشان ميدهوش في مكان غلط و يأذي أليفك.

*حاجه كمان، مهم جداً تدي جرعة الديدان بعد 14 يوم من يوم ما أدتها له أول مرة،عشان تقضي علي دورة حياه الدودة كاملة .اللي عبارة عن  Adult ثم Egg ثم Larve.

في أول جرعة بتقضي علي الـ ِAdult، لكن الـ egg مازالت موجوده، فنستني لحد ما تفقس و تديني الـ Larva و ده في اليوم الـ 14 اللي بندي فيه الجرعة التانية .. فكده يبقي قضيت علي كل الديدان الموجودة.

و عشان كده مينفعش تأخر يوم، و الا هتضطر تعيد من الأول و جديد.

طب ليه نستني للعمر ده عشان أحصن أليفي ؟

الأليف لما بيتولد بيرضع من لبن الأم ” colostrum”، بيبقي فيه الأجسام المناعية اللي بياخدها المولود من مامته.

و بتبدأ تقل عند الأسبوع الـ 12 من عمر المولود .. فـ هنا جه دور التحصين اللي بيخلي جسم الأليف المولود يكوّن أجسام مناعية خاصة بيه بدل اللي أخدها من مامته و بدأت تقل.

اسعار تطعيمات القطط  في مصر 2019

سعر تطعيم الرباعي للقطط 250 جنيه.

سعر تطعيم السعار للقطط 200 جنيه .

قرص الديدان ل 4 كيلو 50 جنيه.

امبول الحشرات ل 4 كيلو 50 جنية.

و عشان صحة أليفك و تخلي بالك منه و متنساش معاد تحصينه، تقدر تعمل معاد تحصينه reminder علي الموبايل بتاعك. أو تسيبلنا إحنا المُهمة دي ناخد بالنا منه.

أطباء هابت موجودين دايما جنبك طول الوقت , تقدر تستشيرنا في اي وقت علي رقم 0102233450 وهنكون دايما موجودين لمساعدتك,
و في أي وقت جه معاد التحصين و مش قادر تنزل من البيت، هتلاقينا عندك عشان إحنا كمان بنهتم بيه و بصحته من خلال خدمة الـ Home visit.

تقدر سجل بياناتك من هنا. وهنتصل عليك نقولك التطعيمات اللي قطتك محتاجها بالظبط
وطبيب من عيادة هابت هيجيلك البيت يطعم قطتك



 Get Home Visit 

اضرار عدم اتباع تطعيمات القطط

تتلخص المشكله في عدم تطعيم القطط في نقطتين

  • *مشاكل للقطط نفسها 

في حالة الاصابه بالديدان يسبب ذلك تساقط الشعر وهذلان ومع الوقت يسبب الانيميا وانسداد في الامعاء.

اما في حالة الاصابه بالامراض الفيروسية بعضها مميت وبعضها يسبب اعراض مرضيه تضعف القطط بشكل كبير .

*مشاكل لمن يتعامل مع القطط

في حالة اصابة القطه بمرض مثل السعار وقامت بخربشة او عض احد افراد المنزل قد يؤدي ذلك للوفاه , لذلك من الضروري اخد الحذر والالتزام بالجدول التطعيمي.

الاعراض بعد تطعيمات القطط

*ارتفاع درجة الحرارة .

*ترجيع .

*اسهال.

Share:

Leave a Comment

Your email address will not be published.

Call Now Button
X